Дэлхий нийтийн жилийн хэрэглээгээр газрын тосны нөөц 50, байгалийн хийн нөөц 70 жил байхад нүүрсний нөөц 250 жил байгаа юм. Манай улсын хувьд  нүүрсний нөөц таамгаар 162,3 тэрбум тонн байгаа бол одоогоор 20 гаруй  тэрбум тонн нүүрсний нөөцийг нарийвчлан тогтоогоод байна. Манайд 15 сав газрын хүрээнд 300 гаруй орд илэрсэн бөгөөд Монгол улс нүүрсний нөөцөөрөө дэлхийд эхний 10 орны тоонд багтдаг юм. Харин манай хойд хөрш ОХУ тэргүүлдэг юм.