Монгол Туркийн бизнес эрхлэгчдийг дэмжих холбоо нь хоёр улсын хоорондох бизнесийн хамтын ажиллагааг бэхжүүлэхэд хувь нэмрээ оруулах, хамтран ажиллах зорилготойгоор 2013 оны 3-р сард байгуулагдан үйл ажиллагаагаа явуулж байна. Холбоо нь хоёр улсын шинээр бизнес санаачлагч болон бизнес эрхлэгчдэд тус улсуудын бизнесийн тавцанд хөл тавих боломжыг олгосноор хоорондын хамтын үйл ажилгаагаа өргөжүүлэх, хоорондоо бизнесийн туршлага солилцох боломжыг олгох үүргийг гүйцэтгэж байна.
Улаанбаатар хот дахь Монгол Туркийн Бизнес Эрхлэгчдийг Дэмжих Холбоо нь Монгол Улсын зах зээл, эдийн засгийн мэдээ мэдээлэлийг цуглуулж дамжуулах, шууд үйлдвэрлэгч компанийн хүсэлтээр тэдгээрийн бараа бүтээгдэхүүнийг гадаад зах зээлд гаргах, худалдан авагч, гэрээт борлуулагч, түнш олж өгөх, цаашдын хамтын ажиллагааг бэхжүүлэхэд шаардлагатай тал бүрийн дэмжлэгийг үзүүлдэг.
Мөн Монгол Туркийн Бизнес Эрхлэгчдийг Дэмжих Холбоо нь Турк, Монгол Улсад зохион байгуулж буй бүх чиглэл салбарын үзэсгэлэн худалдаа, талуудын бизнес уулзалт, форум, семинар зэрэг олон улсын шинж чанартай арга хэмжээнд хоёр улсын төр хувийн хэвшлийн төлөөллийг урин оролцуулж, шинэ соргог мэдээ мэдээлэл, шинэлэг бараа бүтээгдэхүүн, дэвшилтэт технологийг судлахын зэрэгцээ бизнесийн түнш хамтрагчаа хайж олоход нь туслалцаа үзүүлдэг билээ.